Արտաշատում երկու կին իրար են ծեծել. նրանցից մեկը վերակենդանացման բաժանմունքում է

Արտաշատում երկու կին վեճի են բռնվել և ծեծել միմյանց: Ավելի վաղ տեղեկություն է ստացվել, որ կանանցից մեկը ծանր վնասվածքով տեղափոխվել է սկզբում Արտաշատի հիվանդանոց, որից հետո վիճակը վատթարացել է և կնոջը տեղափոխել են Երևանի «Էրեբունի» բժշկական կենտորն, գրում է Shantnews.am-ը:

Բժշկական կենտրոնից մեզ հաղորդեցին, որ հիվանդանոց տեղափոխված 64-ամյա կինը գանգուղեղային ծանր վնասվածք ունի և այժմ գտնվում է վերակենդանացման բաժանմունքում, արհեստական շնչառության ապարատին է միացված:

Հայտնի է, որ կինը բնակվում է Արտաշատում գտնվող չգործող բժշկական հաստատության շենքում և օծանելիքի պատճառով երեկ վիճել է նույն շենքի 53-ամյա բնակչուհու հետ, որը այդ պահին ալկոհոլի ազդեցության տակ է գտնվել:

Այժմ իրավապահները պարզում են դեպքի մանրամասները: