Խոշոր ավտովթար Երևանում. բախվել են Opel-ն ու Renault-ն

Խոշոր ավտովթար է տեղի ունեցել Երևանում։ Երեկ, հուլիսի 9-ին ժամը 23։30-ի սահմաններում Կոմիտասի պողոտա - Վ․ փափազյան փողոցների խաչմերուկում բախվել են Արմավիրի մարզի բնակիչ 23-ամյա Լևոն Ս․-ի վարած Opel մակնիշի 36 AS 566 համարանիշի և Երևանի բնակիչ 70-ամյա Արմենակ Շ․-ի վարած Renault մակնիշի 35 ZD 008 համարանիշի ավտոմեքենաները։ Ինչպես հայտնում է Shamshyan.com-ը` վթարի հետևանքով Renault-ի ուղևոր, Երևանի բնակիչ 30-ամյա Հայկ Հ․-ն մարմնական վնասվածքներով տեղափոխվել է «Սուրբ Գրիգոր Լուսավորիչ» բժշկական կենտրոն։