Չեռնոբիլում աշխատած զինվորն ինքնասպան է եղել ատոմակայանի վթարի մասին ֆիլմը դիտելուց հետո

Չեռնոբիլի աղետի գոտում աշխատած զինվորն ինքնասպան է եղել  HBO հեռուստաալիքի` ատոմակայանի վթարի մասին պատմող "Չեռնոբիլ" սերիալը դիտելուց հետո, այս մասին գրում է Daily Mail-ը: 

Հաղորդվում է, որ ողբերգական դեպքը տեղի է ունեցել ղազախական Ակտոբե քաղաքում: Նագաշիբայ Ժուսուպովն ինքնասպան է եղել հունիսի կեսին: Մահացածի դուստրը պատմել է, որ ինքնասպանություն գործելուց առաջ նա դիտել է "Չեռնոբիլ" հեռուստասերիալը, ինչը իր մոտ դառը հիշողություններ է առաջացրել: Ժուսուպովը առաջին զինվորներից էր, որոնք աշխատանք էին իրականացնում չորրորդ բլոկի ռեակտորի մոտ: 

Գրեթե ողջ կյանքում տղամարդը ապրել է գլխի ուժեղ ցավերով: