Ստամբուլյան կոնվենցիայի հարցով ՀՀ արդարադատության նախարարությունը դիմել է Վենետիկի հանձնաժողովին

Հայաստանի Հանրապետության արդարադատության նախարարությունը Ստամբուլյան կոնվենցիայի մասին խորհրդատվական կարծիք ստանալու համար դիմել է Վենետիկի հանձնաժողով, այս մասին հայտարարել է նախարար Ռուստամ Բադասյանը։ 

«Սիրելի՛ քաղաքացիներ Կանանց նկատմամբ բռնության և ընտանեկան բռնության կանխարգելման ու դրա դեմ պայքարի մասին» Եվրոպայի խորհրդի կոնվենցիայի շուրջ առաջացած մտահոգությունները հաշվի առնելով՝ այսօր դիմել ենք Վենետիկի հանձնաժողով՝ ստանալու Հանձնաժողովի պաշտոնական կարծիքը ՀՀ Սահմանադրության տեսանկյունից Կոնվենցիայի վավերացման ազդեցության վերաբերյալ: Հանձնաժողովի կարծիքը ստանալուն պես Արդարադատության նախարարությունն այն կհրապարակի», – իր ֆեյսբուքյան էջում տեղեկացրել է նախարարը: