Կարապետյանը՝ Իսրայելի հնարավորությունների և Ռուսաստանի դերի թուլացմանը մասին

Իսրայելը մեծ դերակատարում ունի Ադրբեջանին զենք և տարբեր ռազմական սարքավորումներ մատակարարելու հարցում և տարածաշրջանում հանդես է գալիս որպես հիմնական ուժերից մեկը, որը ձևավորում է աշխարհաքաղաքական քարտեզը։ Այս մասին ամերիկացի գործարար և բլոգեր Մարիո Նավֆալին հետ զրույցում հայտարարել է «Ուժեղ Հայաստան» կուսակցության քաղաքական խորհրդի անդամ Նարեկ Կարապետյանը։

«Իսկ թե ինչ կարող ենք անել ապագայում, ինչ կարող է անել Հարավային Կովկասը․ մեր տեսած խաղաղ ապագան Հարավային Կովկասի համար Հայաստանի և Ադրբեջանի միջև խաղաղությունն է։ Եվ այն, ինչ Իսրայելը կարող է տալ այս տարածաշրջանին, տեխնոլոգիաներն են, կրթությունն է։ Այն չպետք է սահմանափակվի միայն ռազմական հարցերով, ոչ միայն հարձակման, կռվի կամ պատերազմի թեմաներով։ 

Այս տարածաշրջանում միակ երկիրը, որն ունի մեծ տեխնոլոգիական ներուժ և կարող է այն կիսել բոլոր երկրների հետ՝ օգտագործելով աղքատության և տնտեսական խնդիրների լուծման համար, Իսրայելն է։ Եթե տարածաշրջանի խնդիրներին նայենք հնարավորությունների, այլ ոչ թե հակամարտության տեսանկյունից, հնարավոր է ստանալ զգալի արդյունքներ։ Իսրայելի հետ եղել է պատմություն՝ կապված Ադրբեջանին սարքավորումների մատակարարման հետ, սակայն նշվում է, որ այդ երկրի տեխնոլոգիաներն ու ձեռքբերումները կարող են նպաստել տարածաշրջանի տնտեսական և սոցիալական խնդիրների լուծմանը»,- հավելել է նա։

Կարապետյանի խոսքով՝ Ադրբեջանի հետ խնդրի լուծման դեպքում Հարավային Կովկասը, վատագույն սցենարի դեպքում, կդառնա տարածաշրջանի միակ կայուն գոտին։ Հյուսիսում ընթացող ռուսական գործընթացները խախտել են տարածաշրջանի հավասարակշռությունը, ինչը հանգեցրել է պատերազմի։

«Ռուսաստանի ուկրաինական գործընթացները, Ուկրաինայի հետ պատերազմը, հանգեցրին Ռուսաստանի հավասարակշռող դերի թուլացմանը։ Որովհետև այստեղ երեք ուժ կա, և այդ ուժերից մեկը, որը հավասարակշռող դերակատարներից մեկն էր, այլ ուղղությամբ էր զբաղված»,- ասել է Կարապետյանը։