Բողոքի ակցիա՝ Երևանի քաղաքապետարանի դիմաց․ ոստիկանները քաղաքացիներից ոմանց տեղափոխել են բաժին

Երևանի քաղաքապետարանի դիմաց տեղի է ունեցել բողոքի ակցիա՝ «Քաղաքական և կենցաղային աղբի մաքրում» կարգախոսով։

Բողոքի ակցիան նախաձեռնել էր «Երևանի այլընտրանքային քաղաքապետարանը»: Ակցիայի մասնակիցները ցանկացել են աղբը նետել քաղաքապետարանի դիմաց, սակայն ոստիկանների միջամտության արդյունքում աղբը չի թափվել, իսկ  ոստիկաններն էլ ոստիկանական բաժանմունք են տարել ակցիայի մասնակիցներից մի քանիսին։ Ակցիայի մասնակիցները դադարեցրել են ակցիան, որպեսզի տեղափոխվեն ոստիկանական բաժանմունք, և աջակցեն իրենց կողմնակիցներին արագ ազատ արձակվելու հարցում։