Ստեփանծմինդա-Լարս ավտոճանապարհը բեռնատարների համար փակ է

Արտակարգ իրավիճակների նախարարությունը տեղեկացնում է, որ oգոստոսի 8-ին՝ ժամը 14:17-ի դրությամբ, ՀՀ տարածքում ավտոճանապարհներն անցանելի են:

Վրաստանի տարածաշրջանային զարգացման և ենթակառուցվածքների նախարարության ավտոճանապարհային դեպարտամենտից ստացված տեղեկության համաձայն` Ստեփանծմինդա-Լարս ավտոճանապարհը օգոստոսի 8-ին, ժամը 09:00-18:00-ն բեռնատարների համար փակ է լինելու (կատարվում են շինարարական աշխատանքներ):

Վանաձոր-Ալավերդի-Բագրատաշեն ավտոճանապարհին նույնպես կատարվում են շինարարական աշխատանքներ, ինչի հետևանքով ճանապարհահատվածը բեռնատարների համար փակ է: Սահմանվել են հետևյալ այլընտրանքային ավտոճանապարհները.

Ստեփանավան-Տաշիր-Գոգավան
Դիլիջան-Նոյեմբերյան-Բագրատաշեն