Թուրքերը դեռ արյան ծարավ են. Շեր

Հայկական ծագումով աշխարհահռչակ երգչուհի Շերը (Շերլին Սարգսյան) Twitter-ում ևս մեկ անգամ անդրադարձել է Սիրիայում Թուրքիայի ռազմական գործողություններին։ Շերը գրել է, որ մինչ այդ գործողությունները նա արդեն տեղյակ է եղել այն մասին, թե ինչպիսին են թուրքերը: Նա իր հետևորդներին հիշեցրել է 1915 թվականին թուրքերի կողմից իրականացված Հայոց ցեղասպանության մասին։

«Կներեք, որ շարունակում եմ քրդերի վերաբերյալ գրառումներ անել, բայց երբ 11 տարեկան էի, ես լսել եմ արյան ծարավ թուրքերի մասին, ովքեր խոշտանգել ու սպանել են մոտ 2 միլիոն հայի։ Թուրք զինվորները դեռ ծարավ են արյան։ Հիմա նրանք Թրամփի «օրհնությամբ» ցեղասպանություն են իրականացնում քրդերի նկատմամբ»,- գրել է Շերը։