21-ամյա մի երիտասարդի մեքենայից 370 գրամից ավելի քաշով թմրամիջոց են հայտնաբերել

WRed 1 րոպե 1,180 դիտում

18.10.2019 17:13

Ոստիկանության Մաշտոցի բաժնի Դավթաշենի բաժանմունքի ծառայողները, իրացնելով ստացված օպերատիվ տվյալները, ապօրինի թմրամիջոց պահելու և օգտագործելու կասկածանքով բերման են ենթարկել Երևանի բնակիչ, 21-ամյա մի երիտասարդի՝ պահպանվող հատուկ տարածք տեղափոխելով նրա ավտոմեքենան։

Երիտասարդի անձնական խուզարկությամբ՝ հայտնաբերվեց դեղնականաչավուն մանրացված-չորացված զանգված։ Ավտոմեքենայի զննությամբ էլ հայտնաբերվեց թղթյա փաթեթներով և պլաստմասե տարաներով դեղնականաչավուն զանգվածներ՝ ընդհանուր 370 գրամից ավելի քաշով։

Երիտասարդի հայտնածով՝ զանգվածները մարիխուանա են։ Դրանք փաթեթավորվել և ուղարկվել են փորձաքննության։ Դեպքի առթիվ նախապատրաստվում են նյութեր։