Ցավում եմ, բայց անգամ հեղափոխությունը չկարողացավ վերացնել ներապարատային մանր ինտրիգները. Կարեն Քոչարյան

Քաղտեխնոլոգ Կարեն Քոչարյանը ֆեյսբուքյան իր էջում գրում է.

««Սեփական դիմումի համաձայն աշխատանքից ազատվել է ՀՀ փոխոստիկանապետ Հովհաննես Քոչարյանը»: ՉԵՄ ՀԱՎԱՏՈՒՄ: Ինչքան էլ ինքը` պարոն Քոչարյանը պնդի, որ սեփական դիմումի համաձայն է հեռանում: Նա երբեք քաղաքականությամբ չի զբաղվել և չունի նման ամբիցիաներ, երբեք չի ասի իր հեռանալու իրական պատճառները և դրանից շոու չի սարքի: Ինքը բարձր պրոֆեսիոնալ է և լուրջ գիտնական, որ կշարունակի զբաղվել իր սիրած գործով` փաստաբանությամբ, ինչպես դա անում էր տարիներ առաջ, երբ նրան դեռ նախկին իշխանության մուտիլովշիկները ստիպեցին «սեփական դիմումի համաձայն» հեռանալ համակարգից: Հավատացեք, պարոն Քոչարյանը ոչինչ չի կորցնելու: Այ ոստիկանությունը և պետությունը հաստատ կկորցնեն:

Չեմ կասկածում, որ սա ապարատային խանդի հերթական դրսևորում է: Ցավում եմ, բայց անգամ հեղափոխությունը չկարողացավ վերացնել ներապարատային մանր ինտրիգները, որոնց արդյունքում միշտ «ճիշտ են» դուրս գալիս կիսագրագետները: Չէ, որ այդ մանր կիսագրագետ ինտրիգանների համար պրոֆեսիոնալիզմն անհասանելի է և նրանք մինչև իրենց կյանքի վերջ ինքնաբավ չեն լինելու: Հետաքրքիր է, Հովհաննես Քոչարյանից խորհուրդներ հարցնող, պետական ապարատի տարբեր ոլորտներում աշխատող տասնյակ ներկայացուցիչներից քանիսը կփորձի նրան պաշտպանել»: