Այրվածքաբանության ազգային կենտրոնի բժիշկները սպասում են վիրավոր փրկարարին. Թորոսյան

ՀՀ առողջապահության նախարար Արսեն Թորոսյանը քիչ առաջ ֆեյսբուքյան էջում գրառում է կատարել, որում առողջություն է մաղթում տուժած փրկարարին, ինչպես նաև ցավակցում զոհված փրկարարի հարազատներին և համածառայակիցներին:

Գրառումը`  ստորև.

Ծանր այրվածքներով ԱԻՆ փրկարարը հենց հիմա ուղղաթիռով տեղափոխվում է Երևան։ Այրվածքաբանության ազգային կենտրոնի բժիշկները պատրաստ սպասում են նրան, որպեսզի առավելագույնս օպերատիվ բուժօգնություն ցուցաբերեն։ Աշխատանքները իմ հանձնարարությամբ համակարգում է իմ տեղակալ Լևոն Հակոբյանը։

Առողջություն եմ մաղթում տուժած փրկարարին, ինչպես նաև ցավակցում եմ զոհված փրկարարի հարազատներին և համածառայակիցներին։