Երևան-Թբիլիսի-Երևան գնացքը արտակարգ ռեժիմով կաշխատի

Սույն թվականի դեկտեմբերի 15-ից մինչև  2020 թվականի հունվարի 15-ը «Հարավկովկասյան երկաթուղի» ՓԲԸ Երևան-Թբիլիսի-Երևան գնացքը կաշխատի ամեն օր: Այս մասին հայտնում է ՀԿԵ մամուլի ծառայությունը։

Ամենօրյա աշխատանքային գրաֆիկի անցնելու պատճառը Ամանորյա և Սուրբ ծննդյան օրերին ուղևորությունների հարմարավետությունն ապահովելն է։

Երևանից գնացքը կմեկնի ժամը 21:30-ին, Թբիլիսիից՝ 20:20-ին:

Հունվարի 15-ից հետո գնացքը կվերադառնա սովորական ռեժիմին՝  նույն ժամերին մեկնելով Երևանից ամսվա զույգ օրերին, Թբիլիսիից՝  կենտ օրերին: