Ցանկացած դեպքում, երբ կլինի կոռուպցիա, թաթիկները կկտրվեն. Արայիկ Հարությունյան

Լրագրողների հետ զրույցում Կրթության, գիտության, մշակույթի և սպորտի նախարար Արայիկ Հարությունյանը նշեց, որ իր տեղակալ Գևորգ Լոռեցյանի հետ կապված ոչինչ չունի ասելու, քանի որ երեկ մեկնաբանություն տվել է։ Նա հորդորես սպասել քննության ավարտին։

«Մենք հանձնառու ենք մեր սկզբունքներին և ցանկացած դեպքում, պետք է պատասխանատվություններ լինեն»,-նշեց նա։

Անդրադառնալով վարչապետ Նիկոլ Փաշինյանի այն հայտարարությանը, թե կոռուպցիայով զբաղվող անձանց «թաթիկները» կտրելու են, Հարությունյանը պատասխանեց.«Այս դեպքի մասով չեմ ասում, այլ ընդհանրապես, ցանկացած դեպքում, երբ կլինի կոռոպցիա, թաթիկները կկտրվեն։ Իմ ամեն երկրորդ ելույթը կոռուպցիայի մասին է և ամենաշատ քրեական գործերը հարուցվել են մեր ոլորտում»։