Շաքարի գինը կթանկանա․ Գեղամ Գևորգյան

Նոր տարվանից հետո շաքարի գինը կթանկանա։ Այս մասին այսօր լրագրողների հետ զրույցում ասաց Տնտեսական մրցակցության պաշտպանության հանձնաժողովի նախագահ Գեղամ Գևորգյանը։ Նրա խոսքով՝ շուկայում գնի կտրուկ իջեցում կա, ինչը տնտեսության համար այնքան էլ լավ չի։ 

«Այս պահին շաքարի գինը 2017թ. հունվարի 391 դրամից իջել է 229 դրամ, հիմա 209 դրամով էլ կա, և սեզոնային բնույթով իջեցումները բերում են խնդիրների, հունվարին կարծում ենք` շաքարը կթանկանա Նոր տարվանից հետո, որովհետև այս իջեցումը բնական չի համարվում, ՌԴ-ից մեծ պաշարներ էժան գնով մտնում են Հայաստան: Ես հասկանում եմ, որ գնորդների համար գների իջեցումը լավ է, բայց տնտեսության համար այդքան էլ լավ չէ»,- ասել  է նա: