Զինված ուժերից զորացրվել են ծառայության ժամկետն ավարտած զինծառայողները. ՊՆ

Հանրապետության տարածքում շարունակվում է ձմեռային զորակոչը: Զինված ուժերի զորամասերը համալրվում են նորակոչիկ զինծառայողներով: Այդ մասին տեղեկացնում է պաշտպանության նախարարության լրատվական ծառայությունը:

Զորակոչի գործընթացին զուգահեռ՝ զինված ուժերից զորացրվում են պարտադիր ժամկետային զինվորական ծառայությունն ավարտած զինծառայողները:

1-ին  զորամիավորման ենթակայությամբ գործող զորամասերից մեկում անցկացված արարողության ընթացքում զորացրվող զինծառայողներին շնորհակալական նամակներ և պատվոգրեր է հանձնել զորամասի հրամանատարը, շնորհակալություն հայտնել բարեխիղճ եւ պատվով կատարած ծառայության համար: