Այդ իրավական գործընթացների նկատմամբ կա քաղաքական միջամտություն և ազդեցություն. Սամսոնյան

Կան իրավական գործընթացներ, և մենք կարծում ենք, որ այդ իրավական գործընթացների նկատմամբ կա քաղաքական միջամտություն և ազդեցություն. այս մասին լրագրողների հետ ճեպազրույցում նշել է ԱԺ «Լուսավոր Հայաստան» խմբակցության անդամ Անի Սամսոնյանը՝ անդրադառնալով ԲՀԿ ղեկավար Գագիկ Ծառուկյանի շուրջ տեղի ունեցող զարգացումներին: 

«Իր գործողություններով դա փաստում է իշխանությունը, օրինակ՝ երբ ընդդիմախոսները սրում են իրենց հռետորաբանությունը և այդ իրավական գործընթացները սկսվում են: Մենք տեսնում ենք, որ պաշտոնյաների բարձր մակարդակով տարածվում են նախաքննական գաղտնիք պարունակող փաստաթղթեր»,- հայտարարել է պատգամավորը: