Ոստիկանական մեքենաներ, ջրցան մեքենաներ ԱԺ-ի շենքի դիմաց

ԱԺ-ի դիմաց ոստիկանական ուժեր են տեղակայված, մեծ թվով ոստիկանական մեքենաներ, այդ թվում՝ ջրցան մեքենաներ։ Դրսում նաեւ հավաքվել են մի խումբ աջակիցներ, ոստիկանները քիչ առաջ մի քանիսին բերման ենթակեցին։ Այժմ ոստիկանները պատ են կազմել ԱԺ-ի դարպասների դիմաց, հայտնում է News.am-ը: 

Նշենք, որ այսօր ԱԺ-ն քվեարկություն է իրականացնելու ԲՀԿ առաջնորդ Գագիկ Ծառուկյանին անձեռնմխելիությունից զրկելու ՀՀ գլխավոր դատախազի միջնորդության վերաբերյալ։