Հակառակորդի կրակոցից զոհված Աշոտ Միքայելյանը հետմահու պարգևատրվել է

Նախօրեին հակառակորդի դիպուկահարի կրակոցից զոհված զինծառայող Աշոտ Միքայելյանը, նախագահի հրամանագրով, պարգևատրվել է «Մարտական խաչ» 1-ին աստիճանի շքանշանով։
 

«Հիմք ընդունելով վարչապետի միջնորդությունը՝ համաձայն Սահմանադրության 136-րդ հոդվածի, ինչպես նաև «Հայաստանի Հանրապետության պետական պարգևների և պատվավոր կոչումների մասին» օրենքի 5.3-րդ հոդվածի 1-ին և 9-րդ մասերի.
Հայրենիքի սահմանները պաշտպանելիս ցուցաբերած խիզախության և անձնուրացության համար Հայաստանի Հանրապետության պաշտպանության նախարարության թիվ N զորամասի դասակի հրամանատար, կապիտան Աշոտ Գևորգի ՄԻՔԱՅԵԼՅԱՆԻՆ հետմահու պարգևատրել «Մարտական խաչ» 1-ին աստիճանի շքանշանով»,- նշվում է հրամանագրում: