Թուրքիան Ադրբեջան է ուղարկել շուրջ 1500 սիրիացի վարձկան

Թուրքիան մոտ 1500 սիրիացի վարձկաններ է ուղարկել Ադրբեջան՝ Ադրբեջանի կողմից ղարաբաղյան հակամարտության գոտում ռազմական գործողություններին մասնակցելու համար։ Նրանք մինչև երկու ամիս վերապատրաստում են անցել Սիրիայում, հայտնում է Foreign Policy-ն: Ըստ աղբյուրի՝ նրանք նախապես ժամանել են Թուրքիա՝ ծանոթանալու տեղանքին ու զենք֊զինամթերքին, իսկ Թուրքիայից Ադրբեջան են տեղափոխվել սեպտեմբերի 25-ին։ Թեև նրանց Սիրիայում անկառավարելի գործազրկության ֆոնին առաջարկվել է զգալիորեն մեծ՝ 1500 դոլար աշխատավարձ, նրանք այժմ զղջում են նման գործարքի համար, գրում է թերթը։