«Մեր բակ» մանկապարտեզի սաներին ծեծի ենթարկելու ու հոգեկան տառապանք պատճառելու դեպքի առթիվ քրգործ է հարուցվել

Հարուցվել է քրեական գործ՝ «Մեր բակ» մանկապարտեզի սաների նկատմամբ առերևույթ հոգեկան տառապանք, Ֆիզիկական ուժեղ ցավ պատճառելու դեպքի առթիվ Երևան քաղաքի «Մեր բակ» անվանումը կրող մանկապարտեզի աշխատակիցների կողմից մանկապարտեզ այցելող երեխաներին ծեծի ենթարկելու և հոգեկան տառապանք պատճառելու դեպքի առթիվ ՀՀ քննչական կոմիտեի Երևան քաղաքի քննչական վարչության Քանաքեռ-Զեյթուն վարչական շրջանի քննչական բաժնում ՀՀ քրեական օրենսգրքի 119-րդ հոդվածի (ֆիզիկական ուժեղ ցավ կամ հոգեկան ուժեղ տառապանք պատճառելը) 2-րդ մասի 1-ին և 3-րդ կետերով հարուցված քրեական գործով կատարվում է նախաքննություն։

Այս մասին Tert.am-ին հայտնեց ՔԿ խոսնակ Ռիմա Եգանյանը։

Հիշեցնենք, որ օրերս ձայնագրություն էր տարածվել, որում լսվում էր, թե ինչպես են մանկապարտեզի աշխատակիցները ծեծում երեխաներին ու սպառնում նրանց։