Ուղարկված բանանի բեռի մեջ 34 կգ կոկաին է հայտնաբերվել

Երեքշաբթի Պիրեյոս նավահանգստում տեղի է ունեցել լայնածավալ գործողություն, որի շրջանակներում առգրավվել է 34 կգ կոկային, հայտնում է Greek City Times-ը: 
Գործողություն իրականացվել է թմրանյութերի դեմ պայքարի գործակալության աշխատակիցների կողմից՝ Աթենքում ԱՄՆ-ի դեսպանատանը կից ԱՄՆ-ի Ազգային անվտանգության դեպարտամենտի թիմի հետ համագործակցությամբ: 
34 կգ կոկային պարունակող 28 պայուսակները թաքնված են եղել Էկվադորից ներկրված բանանի բեռի մեջ: 
Կոնտեյներն ուղարկվել էր 2021 թվականի հունվարի 10-ին` Էկվադորի Գուայակիլ նավահանգստից և Աթենքի նավահանգիստ հասել փետրվարի 2-ին: