Ամենամեծ ստերից մեկն այն էր, իբր Քոչարյանը Մեղրին հանձնում էր, դա հերքեց նաև Մեղրիի քաղաքապետը. Լևոն Քոչարյան

ՀՀ երկրորդ նախագահ Ռոբերտ Քոչարյանի որդին՝ Լևոն Քոչարյանը թելեգրամի իր էջում գրել է. «Հայաստանի 20 տարվա ամենամեծ ստերից մեկն այն էր, իբր Քոչարյանը Մեղրին հանձնում էր: Այդ անհեթեթությունը այսօր նաև հերքեց Մեղրիի գործող քաղաքապետը: 
Իմացողները գիտեն, որ խոսքն ընդամենը վերգետնյա ճանապարհի մասին էր, որի իրավունքը նրանք կստանային Արցախի անկախության կամ Հայաստանին միանալու դեպքում միայն: 

Ճակատագրի հեգնանքը նրանում է, որ այն մարդիկ, ովքեր այս սուտը տարիներ շարունակ արմատավորել են մեր ժողովրդի մեջ, 2018-ին եկան իշխանության և արդյունքում Ադրբեջանին տվեցին այդ ճանապարհի իրավունքը: Իսկ մենք ունեցանք հազարավոր զոհեր, տարածքային ահռելի կորուստ և ոչ մի խոսք անգամ Արցախի կարգավիճակի մասին»: