Չինաստանում կորոնավիրուսի նոր զանգվածային բռնկում է գրանցվել. մանրամասներ

Չինաստանի Նանկին քաղաքում կորոնավիրուսի նոր բռնկումը տարածվել է ևս հինգ նահանգում և Պեկինում: Ինչպես  հայտնում է BBC News-ը, տեղի պետական լրատվամիջոցներն այն անվանում են խոշորագույն բռնկումը Ուհանի համաճարակից հետո:

Հաղորդվում է, որ մոտ 200 մարդ է վարակվել քաղաքում վիրուսի հայտնաբերման պահից՝ հուլիսի 20-ից ի վեր: Նշվում է, որ վիրուսի տարածման առաջին դեպքը գրանցվել է քաղաքի օդանավակայանում: Իշխանությունները որոշել են օգոստոսի 11-ից չեղարկել բոլոր չվերթները:
Քաղաքի 9,3 մլն բնակչությունը կթեստավորվի: