Քիչ առաջ մենք տեղեկություն ստացանք, որ ԱԺ պատգամավորները ստացել են պարգևավճար. Իշխան Սաղաթելյան

Քիչ առաջ մենք տեղեկություն ստացանք, որ ԱԺ պատգամավորները ստացել են պարգևավճար, ենթադրում ենք, որ դա Անկախության տոնին է նվիրված։

Այս մասին ԱԺ-ում լրագրողների հետ հանդիպմանն ասաց ԱԺ փոխնախագահ Իշխան Սաղաթելյանը։ «Մենք դրանից չենք օգտվելու, մենք կարծում ենք, որ անընդունելի ու դատապարտելի է, երբ մեր երկրում կան հազարավոր զոհեր, վիրավորներ ու անհետ կորածներ՝ դա անընդունելի ենք համարում։ Մենք այդ գումարները կամ կվերադարձնենք պետբյուջե, կամ կուղղենք սահմանամերձ շրջաններում որևէ ծրագրի իրականացմանը։ Միաժամանակ մենք պատրաստվում ենք դիմել ՍԴ՝ պարգևավճարների հետ կապված»,-հայտնեց Սաղաթելյանը։