Հայտնի է, թե երբ կքննվի Դավիթ Տոնոյանի կալանքի հարցը. մանրամասներ

ՊՆ նախկին նախարար Դավիթ Տոնոյանին կալանքի տակ վերցնելու ԱԱԾ-ի միջնորդությունը Երևանի Կենտրոն և Նորք Մարաշ վարչական շրջանների ընդհանուր իրավասության դատարանը կքննի վաղը՝ ժամը 17։00-ին։ Այս մասին 24News-ը տեղեկացավ Դավիթ Տոնոյանի շրջապատից։

Ըստ լրատվականի աղբյուրի, փաստաբանները դատարանից ժամանակ են խնդրել գործի նյութերին ծանոթանալու համար և դատարանը կալանքի հարցը որոշել է քննել վաղը։

Հիշեցնենք, որ ԱԱԾ-ն այսօր խուզարկություն է անցկացրել Դավիթ Տոնոյանի բնակարանում։ Ըստ շրջանառվող լուրերի Դավիթ Տոնոյանը ձերբակալվել է 2011թ. անորակ սպառազինության մատակարարման դեպքով ԱԱԾ-ում քննվող քրեական գործի շրջանակում, ըստ որի ՊՆ-ն շուկայականից բարձր գներով ձեռք է բերել ավիացիոն ռազմամթերք՝ մասնավորապես հրթիռներ։

Տեղեկացնենք նաև, որ այս գործի շրջանակներում ձերբակալվել է նաև ՀՀ ԶՈՒ ԳՇ ավիացիայի նախկին պետ գեներալ մայոր Ավետիք Մուրադյանը։