Պեսկովը հաստատում է Զելենսկու և Պուտինի հնարավոր հանդիպման մասին լուրերը

Ռուսաստանի նախագահի մամուլի քարտուղար Դմիտրի Պեսկովը այսօր հաստատել է Ուկրաինայի և Ռուսաստանի ղեկավարների հանդիպում կազմակերպելու շուրջ բանակցությունների մասին տեղեկատվությունը, գրում է Korrespondent.net-ը:

«Իրոք, Ուկրաինայի նախագահի աշխատակազմի և մեր երկրի նախագահի վարչակազմի միջև շփումներ են հաստատվում` քննարկվելիք հարցերի ցանկը հասկանալու համար: Հնչել ու ձևակերպվել են տարբեր առաջարկներ, սակայն առայժմ չկա ընդհանուր հասկացություն և պատրաստակամություն ՝ հնարավոր հանդիպման օրակարգ ձևակերպելու համար», - ասել է Պեսկովը:

Այսպես, նա մեկնաբանել է ԶԼՄ-ների հրապարակումն այն մասին, որ ռուսական կողմը Կիևին է փոխանցել մի առաջարկ ՝ Վլադիմիր Պուտինի և Վլադիմիր Զելենսկու հանդիպման պայմանների վերաբերյալ: