Մոտ 300 միլիարդ դոլար. Իլոն Մասկը դարձել է Forbes-ի ցուցակում երբևէ հայտնված աշխարհի ամենահարուստ մարդը

Tesla-ի շուկայական կապիտալը երկուշաբթի գերազանցել է 1 տրիլիոն դոլարը, ինչի արդյունքում, ըստ Forbes-ի գնահատման,  ընկերության  գործադիր տնօրեն Իլոն Մասկը դարձել է պատմության մեջ ամենահարուստ մարդը:
 

Forbes-ը երկուշաբթի շուկայի փակման ժամանակ Մասկի կարողությունը գնահատել է 271,3 միլիարդ դոլար, ինչը շուրջ 41,7 միլիարդ դոլարով ավելի է ուրբաթ օրվա փակման համեմատ:

Ինչպես նշում է գործակալությունը, այսպիսով, Մասկը մոտենում է 300 միլիարդ դոլարին: 

Համեմատության համար նշվում է, որ Amazon-ի հիմնադիր և նախկին գործադիր տնօրեն Ջեֆ Բեզոսն այս ամսվա սկզբին դարձավ Forbes-ի՝ Ամերիկայի 400 ամենահարուստ մարդկանց ցուցակում հայտնված ամենահարուստ մարդը` 201 միլիարդ դոլար կարողությամբ գլխավորելով ցուցակը: