Գերմանիան նոր կանցլեր ունի

Գերմանիայի Բունդեսթագում քվեարկության արդյունքում Գերմանիայի նոր կանցլեր է ընտրվել սոցիալ-դեմոկրատ, ֆինանսների նախարար Օլաֆ Շոլցը։ Բունդեսթագի նիստի հեռարձակումը վարում է N24 հեռուստաալիքը։

Կանցլերն ընտրվում է գաղտնի քվեարկությամբ։ Առաջին փուլում հաղթելու համար թեկնածուն պետք է ստանա ձայների բացարձակ մեծամասնությունը։ Դա նշանակում է, որ Գերմանիայի ներկայիս Բունդեսթագում «կողմ» պետք է քվեարկեին 736 պատգամավորներից առնվազն 369-ը։ Շոլցը 395 ձայն է ստացել։

Քվեարկությունից առաջ գերմանացի խորհրդարանականները ծափահարություններով հրաժեշտ են տվել Գերմանիայի կանցլերի պաշտոնը 16 տարի զբաղեցրած Անգելա Մերկելին։