SpaceX. 52 Starlink արբանյակ արդեն ուղեծրում է

Ամերիկյան SpaceX ընկերությունը, օգտագործելով Falcon հրթիռը, ուղեծիր է դուրս բերել 52 մինի արբանյակ՝ շարունակելով Starlink-ի գլոբալ ինտերնետ ծածկույթի տեղակայումը: Այս մասին ասվում է Twitter-ում ընկերության հաղորդագրության մեջ։ 

Նշենք՝ Starlink-ը հաջորդ սերնդի արբանյակային ցանց է, որն ունակ է լայնաշերտ ինտերնետ հասանելիություն ապահովել Երկիր մոլորակի բնակիչների համար: 

Նախագիծը, որը մեկնարկել է 2018-ի փետրվարին, նպատակ ունի ապահովել գերարագ ինտերնետի հասանելիություն աշխարհի ցանկացած կետում: Ընդհանուր առմամբ, ցանցի ստեղծման առաջին փուլում նախատեսվում է գործարկել շուրջ 12 հազար արբանյակ: