Պուտինը շնորհավորական ուղերձներ չի հղել Ուկրաինայի և Վրաստանի առաջնորդներին

ՌԴ նախագահ Վլադիմիր Պուտինը օտարերկրյա պետությունների և կառավարությունների ղեկավարներին, ինչպես նաև միջազգային կազմակերպությունների ղեկավարներին շնորհավորել է գալիք Ամանորի և Սուրբ Ծննդի կապակցությամբ:

Կրեմլի պաշտոնական կայքում նշվում է, որ Պուտինը շնորհավորանքներ է հղել նաև ՀՀ երկրորդ և երրորդ նախագահներ Ռոբերտ Քոչարյանին և Սերժ Սարգսյանին:

ՌԴ նախագահի կողմից շնորհավորանք ստացած պաշտոնաթող ղեկավարների թվում են նաև Սինձո Աբեն, Սիլվիո Բեռլուսկոնին, Ջորջ Բուշը, Անգելա Մերկելը, Բենյամին Նեթանյահուն, Ռոմանո Պրոդին, Նիկոլա Սարկոզին, Ֆրանսուա Ֆիյոնը, Տարյա Հալոնենը, թագավոր Խուան Կառլոս I-ը և Գերհարդ Շրյոդերը:

Կրեմլի ցուցակում Ուկրաինայի և Վրաստանի առաջնորդները չկան: