Ինչպես զսպել «ռուսական հնարավոր ագրեսիան Ուկրաինայի դեմ». ԱՄՆ և թուրք պաշտոնյաները քննարկում են ունեցել

 ԱՄՆ նախագահի ազգային անվտանգության հարցերով օգնական Ջեյք Սալիվանը հեռախոսազրույց է ունեցել Թուրքիայի ղեկավարի պաշտոնական ներկայացուցիչ Իբրահիմ Քալինի հետ: Այս մասին հաղորդում է ՏԱՍՍ-ը:

Հեռախոսազրույցի ընթացքում քննարկվել են Ռուսաստանի հետ դիվանագիտական համագործակցությունը, ինչպես նաև համատեղ ջանքերը՝ զսպելու «ռուսական հնարավոր ագրեսիան Ուկրաինայի դեմ»: Այս մասին ասվում է Սպիտակ տան Ազգային անվտանգության խորհրդի խոսնակ Էմիլի Հորնի տարածած հայտարարության մեջ։

Աղբյուրի հաղորդմամբ՝ Սալիվանն ու Քալինը անդրադարձել են «տարածաշրջանային մի շարք խնդիրների, այդ թվում՝ հարաբերությունների կարգավորմանն ուղղված Թուրքիայի և Հայաստանի ջանքերին»։