Էստոնիայում պոկել են Ռուսաստանի դեսպանատան շենքի դրոշը

Անհայտ անձինք պոկել են Էստոնիայի Տարտու քաղաքում Ռուսաստանի դեսպանատան շենքի դրոշը։ Այս մասին հայտնել է Ռուսաստանի դիվանագիտական ներկայացուցչությունը, գրում է ՏԱՍՍ-ը: 


«Մարտի 19-ին կատարվել է հերթական վանդալիզմը՝ Տարտուում դեսպանատան շենքից պոկել են Ռուսաստանի դրոշը։ Ենթադրում ենք, որ մեղավորները կպատժվեն, իսկ Ռուսաստանի Դաշնության պետական դրոշը կվերադարձվի իր տեղը։ »,- ասվում է հաղորդագրության մեջ։ 

Ռուսական դիվանագիտական առաքելությունը նշել է, որ «Ռուսաստանի Դաշնության պետական խորհրդանիշի այս պղծումը Արևմուտքում սանձազերծված և, ցավոք, Էստոնիայում բռնկված անզուսպ հակառուսական արշավի, ինչպես նաև էստոնացիների արհամարհական վերաբերմունքի արդյունք էր»։