Թուրքիան նոր ռազմական գործողություն է սկսել Իրաքի հյուսիսային հատվածում. Anadolu

Թուրքիայի պաշտպանության նախարարությունը նոր ռազմական գործողություն է սկսել Իրաքի հյուսիսային հատվածում: Այս մասին գրում է Anadolu-ն:
 

Նշվում է, որ Թուրքիայի ռազմական գերատեսչության ղեկավար Հուլուսի Աքարը գործողության նպատակն անվանել է ահաբեկչական հարձակումների կանխարգելումը։ 

Նրա խոսքով՝ թուրքական ինքնաթիռներն արդեն գրոհել են ՔԲԿ-ի(խմբ.՝ Քրդական բանվորական կուսակցություն) ապաստարանները, բունկերները, թունելները, քարանձավները և պահեստները։
 

«Առայժմ մեր գործողությունն ընթանում է բարեհաջող, ինչպես նախատեսված էր։ Առաջին փուլում դրված նպատակները կատարվել են… Մեր պայքարը կշարունակվի այնքան ժամանակ, քանի դեռ չի չեզոքացվել վերջին ահաբեկիչը»,- ասել է Աքարը։