Պայմաններ են ստեղծում լայնածավալ հարձակման համար․ ԱՄՆ-ից ասել են, թե հիմնականում որտեղ են կենտրոնացված ռուսական ուժերը

Ռուսաստանը ուժեղացնում է գնդակոծությունները և օդային հարվածները Ուկրաինայի հարավում և արևելքում Պենտագոնի խոսնակ Ջոն Քիրբին ասել է, որ ռուս զինվորականների ակտիվությունը Մարիուպոլում չի թուլանում, սակայն քաղաքի ուկրաինացի պաշտպանները շարունակում են պահել գիծը, փոխանցում է Nexta Live-ը։

«Մենք շարունակում ենք տեսնել ռուսական ավիահարվածների և հրետանու կենտրոնացում Դոնբասում և հարավում, հատկապես Մարիուպոլի շրջակայքում և ներսում», - ասել է Քիրբին: Պենտագոնի ներկայացուցչի խոսքով՝ ռուսական հրամանատարությունը պայմաններ է ստեղծում Ուկրաինայի արևելքում ավելիլայնածավալ հարձակումների համար։