Forbes-ի՝ ռուս միլիարդատերերի վարկանիշային աղյուսակում 3 հայազգի մեծահարուստներ են հայտնվել

Ռուս միլիարդատերերի 2022 թվականի Forbes-ի վարկանիշում են հայտնվել հայազգի երեք ռուս ձեռնարկատերեր՝ Սերգեյ Գալիցկին (Հարությունյան), Անդրեյ Անդրեևը (Օհանջանյանց) և Սամվել Կարապետյանը։ 

Forbes-ն այս անգամ սահմանափակվել է 88 ռուս միլիարդատերերով, որոնք ապրիլի սկզբին ընդգրկվել են ամսագրի համաշխարհային ցուցակում։ 

«Մագնիտ» ԲԲԸ-ի հիմնադիր Սերգեյ Գալիցկին (Հարությունյան) վարկանիշային աղյուսակում զբաղեցրել է 32-րդ տեղը՝ 3,2 մլրդ դոլար կարողությամբ։ 

Մասնավոր ներդրող Անդրեյ Անդրեևը (Օհանջանյանց) զբաղեցրել է 42-րդ տեղը՝ 2 մլրդ դոլար կարողությամբ։

«Տաշիր» ընկերությունների խմբի նախագահ Սամվել Կարապետյանը վարկանիշում զբաղեցրել է 82-րդ տեղը՝ 1,1 մլրդ դոլար կարողությամբ։