Խերսոնում ասել են, որ մարզում ընդմիշտ հաստատվել է Ռուսաստանի իշխանությունը

Խերսոնի մարզում ընդմիշտ հաստատվել է Ռուսաստանի իշխանությունը, իշխանություններն ամեն ինչ անում են, որպեսզի մարդիկ հանգիստ ապրեն եւ պլանավորեն իրենց ապագան, հայտարարել է մարզի ռազմա-քաղաքացիական վարչակազմի ղեկավար Վլադիմիր Սալդոն:

«Խերսոնը շարունակում է ապրել։ Եվ Խերսոնի մարզի տարածքում բավարար քանակությամբ զինվորականների գործողությունները հստակ հասկացնում են, որ այստեղ արդեն ընդմիշտ հաստատվել է Ռուսաստանի Դաշնության իշխանությունը։ Մենք ամեն ինչ անում ենք, որպեսզի մարդիկ հանգիստ ապրեն, աշխատեն, պլանավորեն իրենց ապագան, պլանավորեն իրենց երեխաների ապագան, պլանավորեն իրենց բիզնեսը», - ասել է Սալդոն ուկրաինական պարբերականին տված հարցազրույցում։ Տեղեկատվությունը փոխանցում է ՌԻԱ Նովոստին: