«Տիկին ֆոն դեր Լեյենը, ով վերջերս գազային պայմանագիր է կնքել Բաքվի հետ, շփոթված է, բայց»․ Եվրախորհրդարանի պատգամավոր

«Կովկասում կա ագրեսոր Ադրբեջան և ագրեսիայի ենթարկվող Հայաստան։ Տիկին ֆոն դեր Լեյենը, ով վերջերս գազային պայմանագիր է կնքել Բաքվի հետ, շփոթված է, բայց մենք չպետք է վախենանք այս ագրեսիայից և դրան ուղեկցող ռազմական հանցագործություններից»,- այս մասին հայտնել է Եվրախորհրդարանի պատգամավոր Էմանուել Մորելը։ 

Հիշեցնենք՝ ավելի վաղ էլ Եվրոպական խորհրդարանում խորհրդանշական ակցիայով աջակցություն են հայտնել Հայաստանին։ 

Եվրոպական խորհրդարանի անդամ, բելգիացի քաղաքական գործիչ և գործարար Թոմ Վանդենդրիշեն «Ֆեյսբուքում» գրել է. «Քրիստոնեական Հայաստանը դաժան հարձակման է ենթարկվում իսլամական Ադրբեջանի կողմից։ ԵՄ-ն դա չի նկատում այն ժամանակից ի վեր, երբ Ֆոն դեր Լյայենը գազ է խնդրել ադրբեջանցիներից»։