Ռուսաստանը ձգտում է սառեցնել Ուկրաինայում հակամարտությունը նոր հարձակման համար. Ստոլտենբերգ

Ռուսաստանը ձգտում է սառեցնել Ուկրաինայում հակամարտությունը՝ նոր հարձակման նախապատրաստվելու համար, հայտարարել է ՆԱՏՕ-ի գլխավոր քարտուղար Յենս Ստոլտենբերգը։

Ինչպես ասել է ՆԱՏՕ-ի ղեկավարը Financial Times-ի համար հոդվածում, Ռուսաստանը հույս ունի սառեցնել հակամարտությունը, որ թույլ տա իր ուժերին վերախմբավորվել, վերազինվել և փորձել նոր հարձակում սկսել: Բացի այդ, քաղաքական գործիչը կարծիք է հայտնել, որ Ռուսաստանի իշխանությունները շահագրգռված չեն ուկրաինական հակամարտության կարգավորմամբ։

Հիշեցնենք, որ ՌԴ նախագահ Վլադիմիր Պուտինի նախօրեին ասել է, որ Ռուսաստանը չի հրաժարվել Ուկրաինայի հետ բանակցություններից, իսկ բանակցային գործընթացի վերսկսումը կախված է Կիևից։

Մինչդեռ ԱՄՆ Ազգային անվտանգության խորհրդի ռազմավարական հաղորդակցությունների համակարգող Ջոն Քիրբին հայտարարել է, որ ռուսական իշխանությունները պատրաստ չեն բանակցություններ սկսել Ուկրաինայի հակամարտության կարգավորման շուրջ։