Վոլկովի տեղակալը կհանդիպի Լաչինի միջանցք մեկնած քաղաքացիներին

Քաղաքացիներին Տեղի անցակետից թույլ են տալիս շարժվել ռուս խաղաղապահների անցակետ՝ բանակցությունների։ Այդ մասին հայտնում է MediaHub.am-ի թղթակիցը։ 

Նրա խոսքով՝ այս պահին իրենք և այսօր վաղ առավոտից Երևանից ավտոերթով դեպի Լաչինի միջանցք շարժված քաղաքացիները սպասում են, որ իրենց դիմավորելու գա ռուս խաղաղապահ զորախմբի ղեկավար Անդրեյ Վոլկովի տեղակալը։ 

Հիշեցնենք, որ արդեն 15 օր է, ինչ թշնամին փակել է Արցախը Հայաստանին կապող միակ ճանապարհը, ինչի հետևանքով հայկական երկրորդ պետությունը կանգնել է հումանիտար աղետի առջև։