Կրկին երկրաշարժ՝ Թուրքիայում

Փետրվարի 27-ին՝ ժամը 05:51-ին, 5 մագնիտուդով երկրաշարժ է գրանցվել Թուրքիայի Ադըյաման քաղաքում: Այս մասին հաղորդում է Թուրքիայի արտակարգ իրավիճակների կանխարգելման և հետևանքների վերացման գրասենյակը (AFAD): 

Գրասենյակի փոխանցմամբ, երկրաարժի էպիկենտրոնը գտնվում է 8,51 կմ խորության վրա:

Հիշեցնենք` փետրվարի 6–ին` ժամը 05.17–ին, Թուրքիայի Ղահրամանմարաշ գավառում երկրաշարժ է տեղի ունեցել, որն ավերածությունների է հանգեցրել մի շարք քաղաքներում։ Երևանի ժամանակով 14։24-ին և 14։36-ին ևս 2 ուժգին երկրաշարժ է գրանցվել։ Էպիկենտրոնային գոտում ստորգետնյա ցնցման ուժգնությունը կազմել է 10-11 բալ: Գրանցվել է ավելի քան 4000 հետցնցում, երկրաշարժի զոհ է դարձել ավելի քան 44 հազար մարդ։