4-րդ հարկից ընկած 2 տարեկան երեխայի կյանքը հաջողվել է փրկել. «Սուրբ Աստվածամայր» ԲԿ

 «Սուրբ Աստվածամայր» բժշկական կենտրոնի բժիշկներին հաջողվել է փրկել չորրորդ հարկի պատուհանից ընկած երկու տարեկան երեխայի կյանքը: Այս մասին հաղորդասգրություն է տարածել ԲԿ-ի մամուլի բաժինը:

 
«Վերակենդանացման բաժանմունքից փոքրիկն այսօր տեղափոխվել է վնասվածքաբանության բաժանմունք, նրա մոտ նկատվում է դրական դինամիկա, վիճակը գնահատվում է կայուն ծանր»,- ասված է հաղորդագրության մեջ:  
 

Հիշեցնենք, որ երեխան ծանր վիճակում բուժկենտրոն էր ընդունվել վերջույթների, կրծքավանդակի, կոնքի վնասվածքներով: Նա շարունակում է մնալ բժիշկների խիստ հսկողության տակ:

Ավելի վաղ Аuroranews.am-ը խոսել էր ԲԿ-ի հետ: Կեսօրի դրությամբ երեխայի վիճակը գնահատվում էր կայուն ծանր;