SOCAR-ը սկսել է ղազախական նավթի տարանցումը Բաքու-Թբիլիսի-Ջեյհան խողովակաշարով

Ադրբեջանի պետական նավթային ընկերությունը (SOCAR) սկսել է ղազախական նավթի տարանցումը Բաքու-Թբիլիսի-Ջեյհան խողովակաշարով, հաղորդում են ԶԼՄ-ները՝ վկայակոչելով SOCAR-ի դուստր ձեռնարկությանը՝ SOCAR Midstream Operations ՍՊԸ-ին:

Նշվում է, որ «Թենգիզ» հանքավայրում արդյունահանվող ղազախական նավթի առաջին խմբաքանակը «Նախագահ Հեյդար Ալիեւ» տանկերով Աքտաու նավահանգստից Ադրբեջանի Սանգաչալի տերմինալ է մատակարարվել մարտի 23-ին։

«Շուշա» տանկերը, որը կմատակարարի ղազախական նավթի հաջորդ խմբաքանակը, Աքտաու նավահանգստից կմեկնի մարտի 27-ին։