Աշոտ Փաշինյանի վրա հարձակման վերաբերյալ ոստիկանությունը հաղորդում կամ ահազանգ չի ստացել

Ոստիկանությունը ՀՀ վարչապետ Նիկոլ Փաշինյանի որդու՝ Աշոտ Փաշինյանի վրա հարձակման մասով ահազանգ կամ հաղորդում չի ստացել։ Տեղեկությունը Auroranews-ին հայտնեցին ոստիկանության լրատվական բաժնից։ Կապ հաստատեցինք նաև Գլխավոր դատախազություն, որտեղից նշեցին, որ իրնենց մոտ ևս հարուցված գործ չկա։ 

Հիշեցնենք՝ այսօր Ազգային ժողովի նախագահ Ալեն Սիմոնյանը ֆեյսբուքյան իր էջում գրել էր, որ երեկ հարձակման է ենթարկվել Աշոտ Փաշինյանը։ Սիմոնյանի խոսքով` դա կազմակերպված սադրանքների շարք է, որի հետքերը տանում են նաև մեր երկրի սահմաններից դուրս։ Նա վստահություն էր հայտնել, որ արարքի իրավական և քաղաքական արձագանքը չի ուշանալու։