Մասիս համայնքում ավազի ապօրինի արդյունահանումը դադարեցվել է

Արարատի մարզի Մասիս համայնքի Ռանչպար բնակավայրի վարչական տարածքում հայտնաբերվել է ապօրինի ընդերքօգտագործման դեպք։ Այս մասին հայտնում է Բնապահպանության և ընդերքի տեսչական մարմնի մամուլի ծառայությունը։
 

Նշվում է, որ ապօրինի արդյունահանումն իրականացվել է առանց ընդերքօգտագործման իրավունքի։
 

«Իրականացվել է ավազակոպճային լեռնային զանգվածի տեղահանում։ Տարածքից դուրս բերված ավազը լվացվել է ավազի հանույթից առաջացած լճակից՝ 2 էլեկտրական պոմպի միջոցով, որը կատարվել է առանց ջրօգտագործման թույլտվության»,- նշվում է հաղորդագրությունում։
 

Կիրառվել են վարչական պատասխանատվության միջոցներ։ Գործի նյութերը փոխանցվել են իրավապահ մարմիններին։