Պրիգոժինը հայտնել է, որ գնդակոծել են Բախմուտում գերի ընկած ուկրաինացիների պահման վայրը

Ուկրաինայի զինված ուժերի զինծառայողները HIMARS հրթիռներով գնդակոծել են Բախմուտում (Արտեմիվսկ) գերի ընկած ուկրաինացիների պահման վայրը, երեքշաբթի՝ մայիսի 9-ին, հայտնել է  «Վագների» հիմնադիր Եվգենի Պրիգոժինը։ Տեղեկությունը տարածում են թելեգրամյան ալիքները: 

Նրա խոսքով՝  ունեցել են  ռազմագերիներ, որոնց նախապատրաստում էին հնարավոր փոխանակման համար։  Նրանց «բուժել են, կերակրել», - նշել է Պրիգոժինը:   

Դեպքի վայր է մեկնել քննչական խումբը՝  մանրամասները պարզելու համար։ Պրիգոժինն ասել է, որ անձամբ է զննել հրթիռների խոցման վայրը, և, ըստ նախնական տվյալների, ռազմագերիներից ոչ ոք չի մահացել։