Իրավիճակը՝ Արցախում․ ՌԴ ՊՆ

Ռուսական խաղաղապահ զորախումբը Ստեփանակերտից Գորիս է ուղեկցել շտապօգնության 4 մեքենա` հիվանդներով, ինչպես նաև Ստեփանակերտ հասցրել 275,8 տոննա մարդասիրական օգնություն Այս մասին նշվում է ՌԴ ՊՆ տեղեկագրում։
 

«Երեսուն դիտակետերում ռուս խաղաղապահները շուրջօրյա վերահսկում են իրավիճակը և հրադադարի ռեժիմի պահպանումը։ Վերջին 24 ժամվա ընթացքում հրադադարի ռեժիմի խախտումներ չեն արձանագրվել։
 

Մարտակերտի, Մարտունու և Շուշիի շրջաններում պարեկություն է իրականացվել երեք երթուղիներով»,- նշվում է հաղորդագրության մեջ։
 

Նշվում է՝ ռուսական խաղաղապահ զորախումբը շարունակում է առաջադրանքներ իրականացնել Լեռնային Ղարաբաղի տարածքում։