Հուրգադայի բոլոր լողափերը կփակվեն շնաձկան մահացու հարձակման պատճառով

Եգիպտոսում Կարմիր ծովի նահանգապետարանի իշխանությունները որոշել են փակել Հուրգադայի բոլոր լողափերը շնաձկան հարձակման հետևանքով ռուսաստանցու մահից հետո։  Այս մասին հայտնում է РИА Новости-ն՝ հղում անելով աղբյուրին։

Հունիսի 8-ին հայտնի դարձավ, որ Հուրգադայում շնաձկան հարձակումից ՌԴ քաղաքացի է մահացել։

Հուրգադայում Ռուսաստանի գլխավոր հյուպատոսությունը հաստատել է ՌԴ քաղաքացու մահը։

Ինչպես հայտնել են դեպքի ականատեսները, սկզբում շնաձուկը կծել է 23-ամյա Վլադիմիր Պոպովի ոտքը, իսկ ավելի ուշ երիտասարդին տարել ջրի տակ։  

Նշվում է, որ շնաձուկը կարողացել է ավելի մոտ լողալ մարդկանց՝ ջրում պաշտպանիչ ցանցերի բացակայության պատճառով։