Պենտագոնը Ուկրաինային 2,1 մլրդ դոլարի ռազմական օգնություն է հատկացնում

ԱՄՆ-ն Ուկրաինային ռազմական օգնության ևս մեկ փաթեթ է հատկացնում՝ այս անգամ 2,1 միլիարդ դոլարով, ուրբաթ օրը հայտնել է Պենտագոնը։ 

«Մինչև 2,1 միլիարդ դոլար արժողությամբ այս փաթեթը ներառում է կարևոր հակաօդային պաշտպանության օգնություն, ինչպես նաև զինամթերքի մատակարարում»,- նշվում է ԱՄՆ պաշտպանության նախարարության հայտարարության մեջ։ 

Այն բացատրում է, որ օգնությունը տրամադրվում է Ուկրաինայի անվտանգության աջակցության նախաձեռնության (USAI) շրջանակներում: 

Պենտագոնի տվյալներով՝ օգնությունը, մասնավորապես, կներառի HAWK հակաօդային պաշտպանության համակարգեր, Puma անօդաչու թռչող սարքեր, 105 և 203 մմ տրամաչափի հրետանային արկեր։ Միացյալ Նահանգները նաև լազերային կառավարվող զինամթերք կփոխանցի հրթիռային համակարգերի համար։