Իսրայելում ականապատ մոտոցիկլետի պայթյունի հետևանքով տուժել է 7 մարդ

Իսրայելի Ռամաթ Գան քաղաքում, որը գտնվում է Թել Ավիվից արևելք, առնվազն յոթ մարդ վիրավորվել է մոտոցիկլետի պայթյունի հետևանքով։ Կիրակի՝ հունիսի 11-ին, հայտնել է «Եդիոթ Ահրոնոթ» թերթը:

Նյութում ասվում է, որ տրանսպորտային միջոցի վարորդը ծանր վիրավորվել է, պայթյունից տուժել են վեց անցորդներ, նրանք հոսպիտալացվել են։ Նրանց թվում կա 80-ամյա իսրայելցի։

Ըստ ոստիկանության՝ մոտոցիկլետի վարորդը մեկ անգամ չէ, որ խախտել է օրենքն ու կարգը։ Առայժմ տեղեկություններ չկան, թե կոնկրետ ով է պայթուցիկը դրել մոտոցիկլետում։ Իրավապահ մարմիններն այժմ հետաքննում են՝ պարզելու, թե արդյոք միջադեպը կարող է դիտվել որպես սպանության փորձ։