Գերմանիան առաջին անգամ ընդունում է ազգային անվտանգության ռազմավարությունը

Գերմանիայի կառավարությունը մշակել է ազգային անվտանգության առաջին ռազմավարությունը։ Հայեցակարգը, որն ընդունվել է անվտանգության իրավիճակի վերլուծության հիման վրա՝ որպես համակարգված ընդհանուր մոտեցման մաս, ենթադրում է երկրի անվտանգության ամրապնդում երեք հիմնական ոլորտներում՝ պաշտպանունակություն, դիմադրողականություն և ճկունություն։ 

Փաստաթղթում, մասնավորապես, հայտարարվել է պաշտպանական ծախսերի միջին տարեկան մակարդակը ՀՆԱ-ի 2%-ին հասցնելու մտադրության մասին:

Հայեցակարգը վերաբերում է նաև Գերմանիայի կիբեռնետիկ և տիեզերական ներուժի ընդլայնմանը, լրտեսության և դիվերսիայի դեմ պայքարի ուժեղացմանը, անվտանգության և պաշտպանության եվրոպական տեխնոլոգիական բազայի ամրապնդմանը։